Еврокомиссия еврону күчтөндүрөт

Еврокомиссия еврону күчтөндүрөт
6-Дек. 2018, Бейшемби, 15:28

Еврокомиссия евронун ролун кеңейтүү, анын долларга болгон көз карандылыгы менен күрөшүү максатында бир нече программадагы документтерди жарыялады.

Еврокомиссиянын евро жана социалдык диалог маселелери боюнча вице-президенти Валдис Домбровскис европалык валюта глобалдык финансы системасында жана нефти жана газ рынокторунда кадырлуу болушу керектигин айтты.

«Евронун глобалдык ролун өнүктүрө турган учур келди. Бул валюта еврозонанын эл аралык экономикалык жана саясий эрежелерине негизделген тартипте саясий, экономикалык жана финансылык салмагын чагылдырышы керек»-деп жазылган Еврокомиссиянын маалымат кызматынын билдирүүсүндө.

Документтердин биринде евро эл аралык инвесторлор үчүн жеткиликтүү каржы рынокторунда пайдалануу каралган. Андан тышкары Брюссель өздөрүнүн тез төлөмдөрдү ишке ашыруучу европалык системаны түзүүнү пландоодо.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!