Буш менен дүйнө лидерлери коштошту

Буш менен дүйнө лидерлери коштошту
6-Дек. 2018, Бейшемби, 16:28

Вашингтондо АКШнын 41-президенти Улуу Буш менен коштошуу зыйнаты өттү. Коштошуу зыйнатына өлкө башчы Дональд Трамп жубайы менен катышты. Алар менен бирге экс президенттер Джимми Картер, Билл Клинтон, Барак Обама жана Кичүү Буш аялдары менен катышкандыгы айтылат. Лидерлердин бардыгы алдыңкы орундуктарда орун алды. Трампттын Обама жана анын жубайы менен гана кол беришип учурашкандыгы айтылат.

Коштошуу зыйнатына башка өлкөлөрдүн лидерлери дагы катышты. Алар төмөнкүлөр: Британия принци Чарлз, Германиянын концлери Ангела Меркель, Иорданиянын падышасы Абдалла жана Польшанын президенти Анджей Дуда.

Коштошуу аземи аяктагандан кийин, Буштун сөөгү учак менен “Хьюстон” шаарына жөнөтүлдү. Ал жакта өзүнчө тууган-уругу менен коштошуу зыйнаты өтөт.

Улуу буштун сөөгү 6-декабрда аялы Барбара Буш жана үч жашта көз жумган кызы Робиндин жанына коюлмакчы.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!