АКШ чек арасында дагы бир бала каза болду

АКШ чек арасында дагы бир бала каза болду
27-Дек. 2018, Бейшемби, 12:00

АКШнын чек арасында Гватемаладан келген сегиз жаштагы бала каза болду. Ал атасы менен кошо болгондугу айтылат. Бул тууралуу “The Washington Post” жазып чыкты.

Чек арачылар баланын оорусун байкап калган соң, дароо “Нью-Мексико” ооруканасына жеткиришкен. Баланын дене табы жогору болгон. Ага карабай доктурлар “Суук тийген” деген диагноз менен, балага антибиотик дарыларды жазып чыгарган.

Ошол күнү эле кечинде бала өзүн жаман сезип, кайра ооруканага алып келишкен. Эртеси күнү бала көз жумган. Бала эмнеден улам каза болгондугу азырынча белгисиз.

Учурда чек арачылар бул боюнча, изилдөө иштерин баштады.

Эскерте кетсек, ушул эле айда экинчи жаш баланын каза болушу. 8-декабрда жети жашар кыз каза болгон эле. Аны да чек арачылар атасы менен кошо кармаган.

Чек арачылардын маалыматы боюнча, жети жаштагы кыз ачкачылыктан көз жумган деп айтылууда. Ал ортодо атасы кызынын ден соолугу бекем, курсагы ток болгон деп тастыктап жатат.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!