Францияда кырк мүнөт кар алдында калган бала куткарылды

Францияда кырк мүнөт кар алдында калган бала куткарылды
28-Дек. 2018, Жума, 10:59

Францияда куткаруучулар кар көчкүнүн алдында кырк мүнөт калган он эки жаштагы баланы куткарышты. Бул боюнча “France Bleu” агенттиги кабарлады.

ММКлардын маалыматы боюнча, бала ата-энеси менен чогуу “Ла-Плань” тоосуна эс алууга барган. Алар эс алып лыжа тээп жаткан учурда, 150-200 метр аралыкта кар көчкү жүргөндүгү айтылат.

Жаш баланы куткаруучулар атайын иттин жардамы менен таба алышкан. Алардын айтымында: “Баланын тирүү табылуусу-бул өзү эле керемет”,- деп билдиришти. Себеби, кар көчкүдө калганда адамдардын көпчүлүгү 15 мүнөткө жетпей каза болот экен.

Он эки жаштагы баланын буту сынгандыгы айтылат. Ал ооруканага тезинен жеткирилип, учурда доктурлардын көзөмөлүндө.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!