Кыргызстан саякаттоого ыңгайлуу делген 40 өлкөнүн катарына кирди

Кыргызстан саякаттоого ыңгайлуу делген 40 өлкөнүн катарына кирди
8-Янв. 2019, Шейшемби, 10:58

5-январда Британиялык The Guardian гезити 2019-жылы саясаттоо үчүн ыңгайлуу өлкөлөрдүн рейтингин аныктаган тизмени жазып чыккан. Гезит Кыргызстанды саякаттоого ыңгайлуу деген 40 өлкөнүн катарына кошуп, Кыргызстандын жаратылышы кооз экенин белгилеген.

2019-жылы кайсы жерге саякаттап барсак деп ойлонуп жатсаңыз, анда сиздер үчүн The Guardianти гезити "the hotlist" сунуштайт.

Бул тизменин ичинде Кыргызстан дагы көрсөтүлгөн.

Кыргызстан Борбор Азияда жайгашкан тоолуу, деңизге чыкпаган жана адамдын колу тийбеген табигый жаратылыш аймактары көп өлкө катары сүрөттөлгөн. Ошондой эле, чет элдик туристтер бүркүт менен аңчылык кылуу салты менен кенен тааныша алаары жана башка кызыктуу салттарды Ысык-Көлдө көрсө болоору баяндалган. Андан тышкары, туристтер жана альпинисттер үчүн Кыргызстандын аймагында бийик жана кооз чокулар бар деп сүрөттөлгөн.


Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!