Грузияда чочко тумоосунан тогуз адам көз жумду

Грузияда чочко тумоосунан тогуз адам көз жумду
8-Янв. 2019, Шейшемби, 12:53

Грузияда “Чочко грипптен” тогуз адам каза болгондугу айтылат. Бул жылы грипп оорусунун өзгөчө агрессивдүү жүрүп жаткандыгын адистер эскертет. Айрыкча, ооруканаларда кезек күткөндөр көп экендигин Ден соолук жана ооруларды коргоо борборунун башчысы Амиран Гамкрелидзе белгилеп өттү.

Грипптин H1N1 түрү катталып (т.а чочко грипп), тогуз адам көз жумгандыгын да кошумчалап өттү.

Тогузунчу көз жумган аял болгону кыркы жашта болгон. Ал күчөгөн инфекция менен аба жетпей ооруканага түшкөн. Доктурлардын колдон келген дарылануусуна карабай, алтынчы январь күнү каза болгон.

Грузиянын ден соолук министири калкты гриппке каршы эмдөө (вакцинация) алууга чакырык жасады.

Буга утурлай Амиран Гамкрелидзе: “Жүз миң адамдын ичинен 227си гриппке кабылган. Бул көрүнүштү эпидемиялык деп айтууга эрте. Эпидемиянын чокусу 500 адамга жеткенде болот”,-деп кошумчалап өттү.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!