Окуучуларды балка менен башка койгон кызматкер кармалды

Окуучуларды балка менен башка койгон кызматкер кармалды
9-Янв. 2019, Шаршемби, 12:28

Үрөй учурган окуя Пекин шаарында катталды. Тагыраак айтканда, мектептердин биринде жумуш аткарган техникалык кызматкер жыйырма окуучунун башына балка менен ургандыгы айтылат.

Анын себеби мектептин директору кызматкердин жумуш мөөнөтү бүтүп, аны жумуштан кетүүсүн сунуш кылган. Муну уккан техникалык кызматкер ачууланып, ачуусун окуучулардан чыгарган.

Айыпталган кызматкер 49 жашта. Кытайдын “Хэйлунцзян” провинциясынан болот.

Окуядан улам, баштапкы класстагы жыйырма окуучу жабыркаган. Алар Пекиндин Сичэн районундагы "Сюаньу" мектебинде окугандыгы айтылат.

Учурда алардын бардыгы ооруканага жаткызылды. Жыйырма баланын ичинен үчөөсүнүн абалы оор бойдон.

Ооруканда иштеген доктурдун бири өзүнүн интернет баракчасына: “Биз колубуздан келген бардык жардамды көрсөттүк, айрымдарына бир канча этаптык операция жасалды”,-деп билдирген.

Кылмышкер окуя болгон жерде кармалган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!