Трамп Давоско болгон иш-сапардан баш тартты

Трамп Давоско болгон иш-сапардан баш тартты
11-Янв. 2019, Жума, 16:19

АКШнын өлкө башчысы Дональд Трамп Давос шаарында өтө турган “Эл аралык экономикалык форумга” баруудан баш тартты. Ал бул тууралуу өзүнүн Твитер баракчасында билдирүү жасаган.

Мунун жүйөсүн Демократтар партиясынын мүчөлөрү менен бир бүтүмгө келе албагандыгы менен түшүндүрдү. Тагыраак айтканда, өлкөдөгү чек ара маселесинин кырдаалына байланыштуу Швецариянын Давос шаарында өтө турган Эл аралык экономикалык форумга катыша албай тургандыгын айтты.

Трамп өткөн төртүнчү күнү эле Давос шаарына болгон иш сапарга бара тургандыгын белгилеп өткөн. Ал ортодо Демократиялык партиянын өкүлдөрү Чак Шумер жана Нэнси Пелоси менен сүйлөшүүдөн соң, бир пикирге келе албагандыгын жарыялаган. Башкача айтканда чек арага дубал курууга 5,7 миллиард каржылык маселеси боюнча, Демократтар партиясынын өкүлдөрү баш тарткан.

Эскерте кетсек, 22-25-январга чейин Давосто өтө турган форумга Кытай өлкөсүнөн Ван Цишань катышмакчы. Ал президент Трамп менен соода тармагы боюнча сүйлөшүүлөрдү жүргүзүүгө ниеттенген. Анткени АКШ менен Кытай ортосунда токсон күндүк соода сатык маселеси жаралган.

Эки өлкөнүн ортосундагы кырдаал биринчи мартка чейин чечилбесе, кытайлардын товарына болгон бажы төлөмүн жогорулатмакчы.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!