Курал жүктөлгөн кемелер тынбай келип жатат

Курал жүктөлгөн кемелер тынбай келип жатат
12-Янв. 2019, Ишемби, 12:05

Эки апта удаасы менен Түркиядан курал жүктөгөн эки кеме келди. Ливия Армиясынын маалымат катчысы Генерал Ахмет Мисмари абал боюнча терс пикирин билдирди. Ал эл аралык коомчулук аракет кылбаса Түркия курал экспортун улантарын айтты.

Генерал Ахмед Мисмари “Эл аралык коомчулук аракет көрбөсө Мисрата портуна курал жүктөгөн кемелер алгачкы да акыркы эмес”,-деди.

“SkyNews Arabia” телеканалына маек берген маалымат катчы Ахмет Мисмари Түркия Ливияга курал жүктөлгөн кемелерди жиберип, өлкөнүн тынчтык жана коопсуздугунда көйгөйлөрдү көбөйткөнүн, бул куралдардын террорчулукка колдонуларынан тынчсызданып жатканын белгиледи.

7-январдын кечинен бери Мисрата портундагы бажы кызматы, Түркиядан келген кемеде бир контейнер курал жана аскердик буюмдарды кармаган. Үч апта мурда Ливиянын Хомс портунда Түркиядан келген кемеде курал жүктөлгөнү аныкталган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!