Стамбулда көп кабаттуу имарат кулады (видео)

Стамбулда көп кабаттуу имарат кулады (видео)
7-Фев. 2019, Бейшемби, 12:30

Стамбулда кулаган 8 кабаттуу үйдүн тартылып алынган видеосу интернетке чыкты. Окуя коңшу көзөмөлдөөчү видеокамералардын бирине түшүп калган. Болжолдуу маалыматтарга ылайык, турак жайдын ичинде 30 адам болгондугу айтылууда.

Аталган видеону “PressTV” каналы өзүнүн “Твитердик” баракчасына жүктөгөн. Сиз видеодон көп кабаттуу үйдүн бөлүк-бөлүк болуп кулап жаткандыгын, андан соң абага чаң тарап, элдердин эки тарапка качкандыгын көрө аласыз.

Картал районунун башчысынын билдирүүсүндө кулаган имараттын эскилиги жеткендиги жана ал жардыруудан улам да болушу мүмкүндүгү айтылууда. Кулаган имараттын жер төлөсүндө 15-20 киши текстилдик устаканада эмгектенчү.

Аталган имарат кечээ, 6-февралда саат үчтөр чамасында кулаган. Учурда кырсыкка кабылгандардын саны такталууда.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!