БУУ: 4 миллион адамдын азыгы чирип жатат

БУУ: 4 миллион адамдын азыгы чирип жатат
12-Фев. 2019, Шейшемби, 14:41

Бириккен улуттар уюмунун (БУУ) жетекчилери Худейде шаарында чогултулган буудайга 5 айдан бери жетүүгө мүмкүн болбой жатканын айтты. 3.7 миллион адамдын 1 ай бага турган азык түлүктөр чирип кетүү коркунучунда экенин баса белгилешкен.

БУУнун Тез жардам координатору Марк Лоукок жана БУУнун Йемен боюнча атайын өкүлү Мартин Гриффитстин билдирүүлөрүнө ылайык гуманитардык уюмдардын кампаларга жетүүсүнө 5 айдан бери тыю салынган.

Жетекчилер айрыкча Ирандын колдоосундагы Хуситтер менен Сауд Арабия жетектеген коалициянын ортосунда ок атышуу токтогондон кийин Хуситтер азыктарды сактоочу жайларга барган жолдорду ачуу аракеттерин көрүп жатканын кошумчалады.
Порт шаары Худейда Йемендеги ички согушта гуманитардык жардам жана азык-түлүктү өлкөгө жеткирген маанилүү аймактардын бири.

Кылымдын эң оор гуманитардык кризистердин бири же Йеменде 14 миллион киши ачка калуу коркунучунда.
Дүйнөлүк саламатыкты сактоо уюмунун (ДСУ) маалыматтарына караганда Йеменде 2015-жылдан бери уланып жаткан ички согушта 10 миңден ашык жаран көз жумду.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!