Паракорчулук жаңжалында белгилүүлөрдүн аты аталууда

Паракорчулук жаңжалында белгилүүлөрдүн аты аталууда
14-Март 2019, Бейшемби, 12:39

АКШда белгилүү адамдар балдардын өлкөнүн алдыңкы окуу жайларында билим алуусуна шарт түзүү үчүн миллиондогон долларлар пара бергени белгилүү болду.

Паракорчулук жаңжалына аралашкандардын арасында белгилүү ишкерлер менен бирге Голлливуд жылдыздарынан Фелисити Хаффман жана Лори Локлиндин аты кездешүүдө. Бостон штатындагы федералдык прокурорлор билим берүү боюнча АКШ тарыхында эң чоң паракорчулуктун бетин ачты.

Прокурорлор аты аталган адамдар өлкөнүн тандамал университеттерине өтүү үчүн кеңешчилик кылган фирмага 25 миллион доллар пара берүүгө айыпталды.

Айрымдар бул ишканага балдарын өткөрүү үчүн 100 миң доллардан 2,5 миллион долларга чейин төлөшкөн.

Прокурор Андрю Лиллинг маалымат жыйынында “Жасалма жолу менен университетке кабыл алынган ар бир окуучунун айынан чыныгы аракетчил окуучулар четте калды”,-деди.

Прокурорлордун айтымында кеңешчилик кылган ишкана университетке кирүү сынагында жетекчилерге пара берип, сынакка окуучулардын ордуна башка кишилерди киргизген.

Спортчу болбогондорду жасалма профилдер менен спорттук бөлмүдөргө киргизген.

Өлкөнүн масштабында уюшулган операцияда Фелисити Хаффман жана Лори Локлин баштаган бир топ киши камакка алынганын билдирилди.

Тергөө иштери уланууда. Бул паракорчулукка байланышкан адамдардын саны өсөөрү болжоолдонууда.

Прокурорлор жасалма жол менен окуу жайга кирген студентердин окуусун улантаарын же улантпасын университетит чечерин кошумчалалды.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!