БУУ: Афганистанда акыркы 10 жылда 75 миңден ашык жаран көз жумду

БУУ: Афганистанда акыркы 10 жылда 75 миңден ашык жаран көз жумду
25-Апр. 2019, Бейшемби, 13:26

Афганистанда жарандар 2002-жылдан бери согушта жашап келишет. Бириккен улуттардын уюмунун (БУУ) билдирүүсүнө караганда Афганистанда акыркы 10 жылда 75 миң 316 жаран көз жумду.

Афганистандагы согуш 17 жылга кетти. Афган күчтөрүнө колдоо көрсөткөн Америка күчтөрү менен Талибан ортосундагы жаңжалдар уланууда. Абадан жана бомбалуу кол салууларда он миңдеген жарандар көз жумду.

БУУ Афганистанда кол салууларга бута болгон жөнөкөй жарандарга байланыштуу билдирүү жарыялады.

Ага ылайык Афганистанда акыркы 10 жылда 75 миң 316 жөнөкөй жаран көз жумган. Бул жылдын алгачкы 3 айында көз жумгандардын саны 581ге жетти. Ошол эле мезгилде Америка жана Афган аскерлеринин кол салууларында көз жумгандардын саны 305ке жетти.

БУУнун билдирүүсүндө жарандардын өлүмүнүө себеп болгондор жазасыз калып жатканы баса белгиленген. Эки өлкөнүн аскердик күчтөрүнө бул боюнча иликтөө жүргүзүүгө чакырыктар болуп, жарандарды коргоо талап кылынды.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР