Жолго чачылган долларларды чогултууну суранышты

Жолго чачылган долларларды чогултууну суранышты
29-Апр. 2019, Дүйшөмбү, 12:29

АКШнын Мичиган штатында жүк ташуучу унаанын кассасынан жолго чачылган 30 миң долларды издөө башталды. Полиция картон кутунун ичинде жолго чачылып, шамалда ар тарапка учкан банкнотторду тапшырууну элден талап кылды.

Авто жолдо түшкөн акчанын 7 миң доллары табылган. Полициянын билдиргенине караганда окуя болгон жерде жол жабылган. Издөө иштеринин жыйынтыгында 2 миң 470 доллар табылды. 17 жаштагы 2 бала 630 доллар, бир аял 3 миң 880 долларды алып келген. Американын маалымат каражаттары калган 23 миң доллар табылбай жатканын жазды.

Аймактагы коопсуздук башкармалыгы Facebook тармагы аркылуу элден акчаны кайтарууну суранды.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!