Король генерал айымга үйлөндү

Король генерал айымга үйлөндү
2-Май 2019, Бейшемби, 16:21

Таиланддын королу Маха Вачиралонгкорн Сутида Ваджиралонгкорн на Аюдхья менен үйлөнгөнүн, Сутида өлкөнүн королевасы болгонун жарыялады.

Нике мыйзамдарга жана королдуктун салттарына ылайык ишке ашкан.

Bangkok Post гезитиндеги маалыматка караганда королдун нике салтанаты борбор Бангоктогу Дусит сарайында өттү.

Императордун ак сарайын кайтарууга 2013-жылы келген, кийин королдун жеке коргоочу кошуунуна кол башчысы болгон Сутидага генерал наамы тапшырылган.

Королева Сутида 2016-жылы тактыга чыккан король Маха Вачиралонгкорндун төртүнчү жубайы болду.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!