Ракета тапшырган аял полицияны таң калтырды

Ракета тапшырган аял полицияны таң калтырды
2-Май 2019, Бейшемби, 17:45

Мексикада “куралдарыңарды артка кайтаргыла” өнөктүгүнүн алкагында бир аял башкалардан өзгөчөлөнүп ракета тапшырды. Коопсуздук кызматкерлери таң калышты. Аял болгону 800 песо менен сыйланды.

АКШ менен чек аралаш Сьюдад-Хуарес шаарында жашаган, аты аталбаган аял өткөн апталарда жергиликтүү коопсуздук кыматына чалып, куралсыздандыруу программасына катышууну каалаганын айткан. Анда ракета бар экенин, бирок жалгыз алып бара албай турганын айтып, жардам сураган.

Үйүнөн тапкан

Ракетаны үйүнөн тапканын айткан аял алгач эмне кыларын билбей калган. Башка бирөө ракетаны тапшырып 4000 песо сыйлык алганын укканда өзү да полицияга кайрылууну туура көргөн. Бирок бул аялга ракета үчүн болгону 800 песо төлөнгөн.

Ракета АКШдан жасалганы белгилүү болду. Коопсуз убалга келтирилген курал Мексиканын Улуттук коопсуздук кызматынын кеңсесинде турат.

Кооптуу шаар

Дүйнөдөгү кооптуу шарлардын арасына кирген Сьюдад-Хуаресте кылмыштуулукту азайтуу максатында куралсыздандыруу өнөктүгү жарыяланган. Полиция куралдарды өз эрки менен тапшыргандар суракка алынбай тургандыгын, сыйлык катары 2000-7000 песо каражат берилерин убада кылган.

Өткөн жылы ушундай программанын алкагында эл 170 курал тапшырган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!