Түркмөнстандын президенти рэп аткарды (видео)

Түркмөнстандын президенти рэп аткарды (видео)
3-Май 2019, Жума, 16:24

Ыр Ички иштер министрлиги белек кылган кулунга арналган.

Түркмөнстандын лидери Гурбангулы Бердымухамедов өлкөсүндө апрель айынын акыркы жумасында белгиленген Түркмөн Аты майрамынын алкагында Эл аралык комплексте реп аткарды. Небереси Керимгулу мамлекет башчысын музыкалык аспабы менен коштоду.

1-январда туулган Ровач аттуу кулун тууралуу ырдын сөзү Бердымухамедовго, музыкасы небереси Керимгулуга таандык.

Түркмөнстандын Ички иштер министри Искендер Муликов министрликте иштегендер Ровачты Бердымухамедовго белек кылышкан. Президент 2019-жыл “Жыргалчылыктын мекени Түркмөнстан” деп жарыялап, анын алгачкы күнүндө туулган кулунга “жыргалчылык” деген маанидеги Ровач деген атты ыйгарган.

Бул түркмөн лидериинин экинчи ирет аткарган рэп ыры болуп саналат. Буга чейин 2018-жылы июнь айында небереси экөө “Спортту сүйгөн Түркмөнстан” аттуу чыгарманы жаратышкан.


Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!