​Шамалдын кесепетинен каза болгондордун саны өстү

​Шамалдын кесепетинен каза болгондордун саны өстү
13-Май 2019, Дүйшөмбү, 13:23

Индияда бороондуу шамалдын кесепетинен каза болгондордун саны 64кө жетти. Бул тууралуу Индиянын жергиликтүү маалымат каражаттары билдирди.

Буга чейин Орисса штатында болгон шамалдын айынан 43 адамдын каза тапканы айтылган. Учурда бийлик жабыр тарткан райондордо шамалдын кесепетин жоюу иштерин жүргүзүүдө. Бул ишке 10 миңдей адам тартылган, азырынча жоготуулар боюнча так маалымат жок.

“Фани” бороону болордо Орисса штатынын жашоочулары эвакуацияланган. Эгерде тургундар эвакуация кылынбаганда, адам өмүрүнүн кыйылуусу мындан да көп болмоктугу айтылууда.

Эскерте кетсек,“Фани” аталышындагы циклон 3-майда, Орисса штатында катталган. Бул шамалдуу бороон Индиядагы акыркы 20 жылдын ичиндеги эң ири табият кырсыгы болуп калды. Мындай жаратылыш кырсыгы 1999-жылы катталып, 10 миңден ашык адамдын өмүрүн алган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР