​Кытай АКШга жооп кылды

​Кытай АКШга жооп кылды
14-Май 2019, Шейшемби, 12:33

Кытай АКШдан келген товарларга бажы төлөмүн жогорулатат. Бул тууралуу Кытайдын жергиликтүү басылмалары билдирди.

Маалыматка караганда, Кытай бийлиги мындай чечимди АКШнын Кытай товарларына карата бажы төлөмүн көбөйткөндүгүнө жооп катары кабыл алган.

Тактап айтканда Кытай АКШнын жалпы баасы 60 млрд. долларга барабар товары үчүн бажы тарифтерин 5 пайыздан 25 пайызга чейин көтөрөрү айтылган. Бул өзгөртүүлөр 1-июнда күчүнө кирет. Ага чейин АКШ менен Кытай бийлиги чектөөлөрдү жокко чыгаруу боюнча сүйлөшүүлөрдү жүргүзүүгө мүмкүндүк берилет

Эскерте кетсек, буга чейин АКШнын президенти Дональд Трамп Кытайдын жалпы наркы 200 млрд. долларга барабар товарына тарифтер 10 пайыздан 25 пайызга чейин көтөрүлө турганын билдирген.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!