Кытай Windows менен иштөөдөн баш тартат

Кытай Windows менен иштөөдөн баш тартат
3-Июнь 2019, Дүйшөмбү, 13:46

Кытай өкмөтү Кытай армиясында колдонулган компьютерлерден Windows иштөө системаларын алып салып, өздөрү чыгарган системаларды жайгаштырууну пландоодо. Бул кадам АКШ жана Кытайдын ортосунда уланган соода согуштарына технологиялык согуштарды кошумчалагандай болду.

Канададагы Kanwa Asian Defence аскердик журналы Кытай АКШнын компьютер тармактарына кирүү тынчсыздануусунан улам өзүнүн иштетүү системаларын өнүктүрүп, буларды армиянын компьютерлерине киргизүүнү көздөөдө.

Кабарга ылайык Кытай өкмөтү армиясынын ишмердиктерине тыңчылык кылган сырткы коркунучтарга бөгөт кою үчүн атайын система киргизүүнү пландоодо. Жаңы чыгарыла турган система түздөн-түз Кытай Коммунистик партиясынын Борбордук комитетине караштуу болот.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!