“115 миллион эркек бала кезинде үйлөнгөн”

“115 миллион эркек бала кезинде үйлөнгөн”
8-Июнь 2019, Ишемби, 13:44

"10 жылда 115 миллионго жакын эркек жаш үйлөндү" бул тууралуу Бириккен улуттар уюмунун балдарга жардам фонду (UNICEF) даярдаган билдирүүдө жазылган. Рапортко ылайык эркектер эрте үйлөнгөнү эң көп орто Африка мамлекеттеринде кездешет.

UNICEF балдардын укуктары келишиминин 30 жылдыгына аз убакыт калганда дүйнөдө билдирүү жарыяланды. 82 өлкөнүн 2007-2017-жыл боюнча маалыматтарын изилдеген билдирүүгө ылайык 10 жылда 115 миллионго жакын эркектин 23 миллиону 15 жашка чыга электе үй-бүлө курган.

Мындай көрүнүштөр Орто Африка Республикасында эң көп көрүлгөн болсо, кийинки орундарда Никарагуа жана Мадагаскар турат. Алыскы аймактарда жашаган жакыр үй-бүлөлөрдүн мектепке барбаган же мектепти эрте таштаган балдарда мындай учур көп кездешет.

Жаш үй-бүлө кургандар эркектерге салыштырмалуу аялдарда кеңири. 20-24 жаш аралыгында 5 жаш аялдын бирөө 18ге чыга электе турмушка чыккан.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!