Daily Telegraph: Байлар шимпанзенин этин жей баштады

Daily Telegraph: Байлар шимпанзенин этин жей баштады
11-Июнь 2019, Шейшемби, 17:28

Англияда айрым байлар тойлордо өлкөгө батыш Африкадан аткезчилик жол менен алынып келинген шимпанзелердин этин жеп жатышат.

Daily Telegraph гезитиндеги маалыматка караганда дүкөндөрдө шимпанзе эттери жашыруун сатылууда. Андан улам илимпоздор бажыларда эттерди ДНК тестинен өткөрүүнү талап кылууда.

Басылмага маек курган East Anglia университтинин приматтар боюча адиси доктор Бен Гаррод бир нече апта мурда аэропорттон Батыш Африкадан АКШга жөнөгөнү жаткан учакта көп өлчөмдө шимпанзенин эти табылганы айтты.

Окумуштуу бул жаныбарлар жакшы шарттарда союлбаганы, генетикалык жактан адамдарга окшоштугу олуттуу көйгөйлөргө себеп болушу мүмкүн экенин эскертти.

1960-жылы шипанзелер курал колдоно аларын аныктаган доктор Жен Гоодалл "HIV приматтардан чыккан. Бул жаныбарлар менен адамдар абдан окшош. Анын эти адамдардын денесин мутацияга учуратуу коркунучу бар. Interpol жаныбарлардын этинин аткезчилигин алдына алуусу керек. Эттердин ДНКсын текшерүүчү түзүмдөр абдан кымбат. Андыктан иттер эттерди айырмалай ала тургандай үйрөтүлүшү керек”,-деди.

Англиянын батышында 2011-жылы атайын текшерүү учурунда шимпанзенин эти табылган. Парижде 270 тонна эт кармалып, уйдун этинен беш эсе кымбат сатылары аныкталган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!