250 жылда 600гө жакын өсүмдүк жок болду

250 жылда 600гө жакын өсүмдүк жок болду
12-Июнь 2019, Шаршемби, 11:23

Илимпоздор акыркы 250 жылда жаратылыштагы 600гө жакын өсүмдүктүн түрү жок болгонун билдиришти.

Англия жана Швейцариянын илимпоздору божомолдорго эмес, чыныгы маалыматтарга таянган рапортторунда жаратылышта жок болгон өсүмдүктөр, канатуулар, сүт эмүүчүлөрдүн саны эки эсе өскөнүн билдирилген.

Айыл жана мал чарбачылыгына жаратылыштын ыңгайлаштырылганы башкы себептердин катарында. Индонезиядагы Суматра аралында токойлордун жок болушу чоң көйгөйлөрдүн бири.

БУУ: Бир миллион жаныбар жана өсүмдүк коркунучта

Бириккен улуттар уюму (БУУ) май айында жарыялаган билдирүүдө бир миллион жаныбар жаа өсүмдүктүн түрү жок болуу коркунучунда экени жазылган.

Англиядагы Королдуктун ботаникалык бакчалары, Швециядагы Стокгольм университети биргелешкен изилдөөлөрүнүн жыйынтыгында 250 жыл ичинде 571 өсүмдүктүн түрү жок болгон.

Дарактары кыйылган, өсүмдүктөрдүн түрлөрүнө бай тропикалык аралдар эң көп жоготууга учураган аймактар.

Өсүмдүктөргө муктаждык барбы?

Жашоо кычкылтектин жана азык түлүктүн булагы болгон өсүмдүктөр менен тыгыз байланышта. Өсүмдүктөрдүн жоголушу жер жүзүндөгү башка организмдердин жок болушуна себеп болот. Маселен алар менен азыктанып, ал жакта көбөйгөн курт-курмурскалар биринчилердин болуп жабыркайт.

Илимпоздор "Адамдар баштап миллиондогон жаныбарлар өсүмдүктөргө карыздар. Андан улам жаратылышты коргоого бардык күчүбүздү жумшашыбыз керек”,-деп жазышкан.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!