Сүйүктүүсү үчүн учакты кондурган ишкер өмүр бою эркинен ажырады

Сүйүктүүсү үчүн учакты кондурган ишкер өмүр бою эркинен ажырады
14-Июнь 2019, Жума, 11:33

Сүйүктүүсүн тез-тез көргүсү келген жүргүнчү дааратканага калтырган каты үчүн өмүр бою эркинен ажырады.

Индияда сүйүктүүсүн көп көрүш үчүн өзү түшүп бара жаткан учактын дааратканасына "Учакта 12 жан кечти жана жардыргычтар бар. Кашмирге тезирээк кондургула" деп эскертүү жазып калтырган ишкер өмүр бою эркинен ажыратылды. Биржу Салла бул ишке сүйүктүүсүн Мумбайга алып кетүүгө көндүрө албагандан, авиакомпанияны жаманатты кылып, андан иштеген сүйүктүүсүн жумушсуз калтыруу максатында барганын айтты. Ал эми катты сапар алаар алдында үйүнөн даярдап алганын кошумчалады.

720 миң доллар айып пул төлөйт

Салла 2017-жылдын октябрь айында Жаңы Дели-Мумбай сапарындагы Jet Airways учагын бара турган жеринен 778 чакырым бери жакта жайгашкан Ахмедабад шаарына шашылыш конууга себеп болгон. Бул кылганы үчүн 720 миң доллар айып пул төлөмөй болду. Салладан алына турган айып пул учактын экипажына жана жүргүнчүлөргө таратылат. Учкучтардын ар бири 1,500 даллардан, экипаж мүчөлөрү 750 доллардан, жүргүнчүлөргө 375 доллардан бөлүнөт.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!