Мунай ташыган кемедеги өрт өчүрүлдү

Мунай ташыган кемедеги өрт өчүрүлдү
14-Июнь 2019, Жума, 17:42

Оман булуңундагы Front Altair танкериндеги өрт өчүрүлгөнүн, кемеде абал туруктуу экенин РИА Новостиге кемеге ээлик кылган ишканадан кабарлашкан.

"Front Altair танкеринде өрт өткөн түнү өчүрүлгөн", - деген Frontline компаниясынын өкүлү Аллисон Ковер.

Иран жана арабиялык маалымат каражаттары Оман булуңунда Front Altair жана Kokuka Courageous аттуу эки нефть танкерине кол салуу болгонун, андан улам өрт чыкканын кабарлашкан. Кемедеги экипаж мүчөлөрү Ирандын территориясына чыгарылган. Танкерлердин биринин ээси Front Altair кемесинде 11 россиялык болгонун. Эч кимиси жабыркабаганын билдирген.

АКШ болгон окуяга Иранды айыптады. Ал эми Ирандын Тышкы иштер министри Мохаммад Жавад Зариф танкерлерге кол салууга өлкөсүнүн катыштыгы тууралуу АКШнын айыптоолору негизсиз экенин билдирди.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!