АКШ эгемендигин өзгөчө өткөрдү

АКШ эгемендигин өзгөчө өткөрдү
5-Июль 2019, Жума, 17:57

АКШ эгемендигинин 243-жылдыгын бул жылы башкача белгиледи. Трамп өткөн жылы Бастилия күнүнө арналган салтанатты көрүп “Биз да аскердик жүрүш өткөрөбүз”,-деген. Бирок көп каражат кетерин эске алып, андай кылуудан баш тарткан. Бул жылы салтанат өзү каалагандай өттү. Трамп Америка президенттеринин Ак сарайдын сыртына чыкпоо салтын бузуп, 70 жылдан кийин Lincoln эстелигинин алдында алдында сөз сүйлөгөн алгачкы лидер болду. Элге кайрылуусун ок өтпөс айнектин артында туруп жасады.

Салюттар атылды, аскердик учактар учурулду. АКШда 4-июль эгемендик күнү өлкөнүн төрт тарабында белгиленди.

Эгемендик майрамында Трампка каршы пикир айткандар көчөгө чыккан. Нааразычылыгын билдирүүнү каалаган 100дөн ашык аял балон болуп үйлөтүлгөн колунда телефону кармаган "Трампты" көтөрүп чыгышты. Башка бир топ Ак сарайдын алдында Американын желегин өрттөдү. Ошол эле мезгилде Дональд Трампты улуу күндү шайлоо өнөктүгү үчүн саясий шоуга айландарыганын айтышууда.

Майрамга жумшалган каражатка сын айткандар арбын. Пентагон салтанатка канча каражат бөлгөнүн маалымдаган жок.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР