Экс-президенттин камактагы кызы боюнча министрлик билдирүү жасады

Экс-президенттин камактагы кызы боюнча министрлик билдирүү жасады
6-Июль 2019, Ишемби, 15:21

Өзбекстандын Юстиция министрлиги Ислам Каримовдун кызы Гүлнара Каримованын чет өлкөдөгү мүлкүн кайтарууга байланыштуу иштер жүрүп жатканы белгиледи.

Аталган мекеме жаза өтөөчү жайдагы Каримованын саламаттыгы жана өлкө сыртындагы байлыгын өлкөгө кайтарууга байланыштуу маалымат берген.

Анда Каримованын мүлкү боюнча сүйлөшүү улуттук жана эл аралык мыйзамдарга туура келгидей өкмөттүк деңгээлде жүргүзүлгөнүн белгилеген. “Бул мүлктөр чет мамлекетте камакка алынганы үчүн Каримованын же анын үй-бүлө мүчөлөрүнүн көзөмөлүндө эмес”,-деп жазылган. Ошондой эле жаза өтөөчү жайдагы Каримованын саламаттыгында көйгөйлөр жок экени кошумчаланган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР