Жасалма уруктандыруудан жаңылыш бала төрөлдү

Жасалма уруктандыруудан жаңылыш бала төрөлдү
10-Июль 2019, Шаршемби, 10:52

АКШнын Нью-Йорк шаарында бир аял жасалма уруктандыруу кылган клиникадагы катачылыктан улам 31-мартта башка жуптарга таандык эгиз бала төрөдү.

Эгиз кыздарды күтүп жаткан түгөйлөр эч бир генетикалык байланышы болбогон эгиз эркек балалуу болушкан. Эми Азия тектүү аял балдарды өз ата-энесине берүүгө аргасыз болду.

"A.П." жана "Я.З." аттуу жарандар Лос-Анжелесте өздөрү дарыланган CHA IVF клиникасыннын үстүнөн арыз жазды. А гана эмес ДНК тесттерди текшертүүнү чечти.

2012-жылдан бери балалуу боло албаган жуптар 2018-жылы эгиз кыздуу болору күтүлүп жаткан. Үчүнчү жана бешинчи айлардагы текшерүүдө боюндагы балдар эркек экени белгилүү болгон.

Дарыгерлер жубайларга тынчсыздануунун кереги жоктугун, айтып жоошуткан. Эми жуптар өздөрүнүн эмбриондору эмне болгонун биле албай убара.

Дарылоого 100 миң доллардан ашык акча кеткени тууралуу жазган арыздан улам прокуратура клиникага, анда иштеген эки дарыгерге 16 айып такты.

CHA клиникасы бул боюнча билдирүү жасай элек. Болгону Интернет сайтына Түштүк Калифорния жана 22 өлкөдө балалуу болууну эңсеген он миңдеген үй бүлөөлөрдүн кыялдарын ишке ашырганын жазышты.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР