Мыйзамсыз мигранттар чыгарыла баштайт

Мыйзамсыз мигранттар чыгарыла баштайт
12-Июль 2019, Жума, 17:04

АКШнын Миграция жана Чек араны коргоо (ICE) кошууну мыйзамсыз мигранттарга багытталган иштерге дүйшөмбүдөн баштап киришери белгиленди.

“New York Times” гезитиндеги маалыматка караганда мындай операциялар 10 башка шаарда, белгиленген даректерде бир нече күнгө созулат.

Washington Post гезити өткөн айда АКШнын президенти Дональд Трамптын ICEге өлкөдөн чыгаруу боюнча билдирүү алган үй-бүлөлөрдү жекшембиден баштап чогултууга буйрук бергенин жазган.

Каршы пикирлер көп болгондуктан Трамп Twitter тармагындагы расмий баракчасына “Демократтардын талабынан улам мыйзамсыз мигранттарды өлкөдөн чыгаруу процессин эки аптага жылдыргам”,-деген.

Миграцияга каршы саясатынан улам сынга кабылган Дональд Трамп мыйзамсыз миграция жана баңгизаты менен күрөштүн алкагында Мексика менен АКШнын чек арасына дубал тургузуу зарылдыгын кайталап келет.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!