БУУ: “1,3 миллиард адам жакыр жашайт”

БУУ: “1,3 миллиард адам жакыр жашайт”
13-Июль 2019, Ишемби, 12:10

Дүйнөдө 1,3 миллиардга жакын эл жакырчылыктын шартында жашап жатат. Алардын 663 миллиону жашы жете электер. Бул туурасында БУУнун Өнүктүрүү программасынын (ПРООН) 12-июлда жарыялаган жаңы докладында маалымдалган.

“Тынсыздандырган абал өзгөчө Африка, Түштүк Азия өлкөлөрүндө. Жакырчылыктын индекси ал жакта 84,5 пайызды түзөт. Европа жана Борбордук Азияда бул көрсөткүч 1,1 пайыз.

Мындай абалда биринчи кезекте элдин коргоосуз катмары, балдар жабыркоодо. Жакыр балдардын көбү көбүнчө Буркина-Фасо, Чад, Эфиопия, Нигерия жана Түштүк Суданда жашайт.

Изилдөө дүйнөнүн 101 өлкөсүндө жүргүзүлгөн. Эксперттер киреше, саламаттык, жумуш шарты сыяктуу бир нече көрсөткүчтөрдү эске алып, жыйынтык чыгарышкан.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!