Ракеталык жарылуудан соң радиациянын деңгээли 16 эсе жогорулады

Ракеталык жарылуудан соң радиациянын деңгээли 16 эсе жогорулады
14-Авг. 2019, Шаршемби, 16:38

Россиянын түндүк батышындагы беш адамдын өмүрүн алган ракетаны сыноо учурундагы кырсыктан кийин радиация коркунучу пайда болду.

Аталган өлкөнүн Коргоо Министрлиги радиациянын деңгээли нормада экендигин билдирген. Ал эми “Росгидромет” мамлекеттик метеорологиялык агенттиги Северодвинск шаарында радиация өлчөмүнүн 4 төн 16 эсеге жогорулагандыгын, бул нормадан ашарын баса белгиледи. Гринпис уюму радиациянын деңгээлин нормадан 20 эсе жогору экендигин маалымдады.

Кырсыктан соң өлкөнүн мамлекеттик атом энергетика компаниясы (Росатом) беш жумушчу каза болуп, үч кызматкер жаракат алганын кабарлаган.

Жарылууга себеп болгон мотор орус армиясы тарабынан чыгарылган өтө кубаттуу “Зиркон” ракетасына таандык экени айтылууда.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!