Тез татым менен тамактанган өспүрүмдүн көзү көрбөй калды

Тез татым менен тамактанган өспүрүмдүн көзү көрбөй калды
3-Сен. 2019, Шейшемби, 17:17

Бристоль шаарынын жаш тургуну 10 жылдан бери бир гана тез татым (фастфуд) менен тамактанып келген. Акыры көрүүсү аябай начарлап, угуу мүмкүнчүлүгүнөн да ажыраган.

Бул боюнча “Annals of Internal Medicine” журналы жазып чыкты. Массалык маалымат каражаттарынын билдиргенине караганда, өспүрүм жети жашынан баштап кадимки жер-жемиш, жашылчалардан баш тартып, картошка фри менен чипсы жегенге өткөн. Айрым учурда уйдун же чочконун этинен жазалган бургер жеп жүргөн.

Жыйынтыганда 15 жашында эле өспүрүмдө көрүүнүн начарлашы, угуунун кыйындашы жана муундардын оорушу сыяктуу бир топ маселелер жаралган. Эки жыл өтпөй бала толугу менен көрбөй жана таптакыр укпай калган.

Доктурлар муну балага витамин, минералдардын жетишсиздиги менен байланыштырышууда. Башкы себеп туура эмес тамактануу экендигин баса белгилешти.


Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!