Дүйнөнүн эң популярдуу шаарлары аныкталды

Дүйнөнүн эң популярдуу шаарлары аныкталды
6-Сен. 2019, Жума, 11:40

Дүйнөнүн эң популярдуу шаарларынын тизмеси түзүлдү. Рейтингдин башкы сабын Таиланддын борбору Бангкок ээледи. Бир жылда эле бул шаарга 23 миллиондон ашык турист келет. “Mastercard’s 2018 Global Destination Cities ” индексинин жылдык отчёту боюнча аталган шаарга туристтердин эсебинин 20 миллиард доллар киреше кирген.

Андан кийинки орундагы эң популярдуу шаар Париж болуп эсептелет. Былтыркы жылы эле шаарды көрүү үчүн 19 миллион саякатчы келип, 14 миллиард доллар коротуп кетишкен.

Ал эми рейтингдин үчүнчү сабында Лондон шаары турат. Бир жыл ичинде Улуу Британия борборун көрүүгө ашыккан чет өлкөлүктөрдүн саны 19 миллионго жеткен. Алар шаардын экономикасына 16,6 миллион киреше алып келген.

Саякатчылардын көңүл борборунда болгон эң популярдуу шаарлардын онудугуна Дубай, Сингапур, Куала-Лумпур, Нью-Йорк, Стамбул, Токио жана Анталья кирет.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР