Сауд Арабия биринчи ирет туристтик виза берет

Сауд Арабия биринчи ирет туристтик виза берет
30-Сен. 2019, Дүйшөмбү, 12:52

Сауд Арабия ажылык жана умра зыяраттарынан тышкары тарыхта алгачкы ирет 49 өлкөнүн жарандарына туристтик виза берилерин билдирди.

Борбор Риад шаарында өткөн маалымат жыйынында сөз сүйлөгөн Сауд Арабиянын Туризм мекемесинин президенти Ахмед аль-Хатип өлкөнү туризмге ачуу үчүн 49 мамлекетке туристтик виза берилерин белгиледи.
Визалар Сауд Арабия элчилиги жана консулдуктарынан тышкары өлкөнүн аэропортторунан алынарын белгилеген Хатип виза берилген күндөн баштап 360 күн жана өлкөдө калуу процесси үч ай болорун, бир жылда 180 күндөн көп болбой турганын айтты.
Хатип Ички дүң өндүрүмдүн (ИДӨ) 3 пайызын түзгөн туризм кирешесин 2030-жылга чейин 10 пайызга жогорулатуу пландалып жатканын, алдыда дүйнөлүк деңгээлде туристтерди кабыл алган 5 өлкөнүн катарына кирерин кошумчалады.

Сауд Арабия 2014-жылы мунайдын баасы арзандагандан бери экономикалык реформалардын бир бөлүгү катары киреше булактарын көбөйтүү аракетинде.

Эскерте кетсек, буга чейин Сауд Арабия ажылык жана умра үчүн гана виза берип келген.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!