Кичинесин куткарууга аракет кылган 11 пил шаркыратмада калды

Кичинесин куткарууга аракет кылган 11 пил шаркыратмада калды
9-Окт. 2019, Шаршемби, 14:08

Таиландда белгилүү Haew Narok шаркыратмасында калган 11 пил өлдү. Жаныбарлар сууга түшкөн кичинесин куткарууга аракетингени болжолдонууда.

Khao Yai улуттук паркынын адистери аптанын аягында 6 пилдин сөөгүн табышкан. Бирок учкучсуз аба түзүмдөрү менен жүргүзүлөн изилдөөдө дагы беш 5 пилдин өлүгү табылган.

Жергиликтүү жетекчи Бадин Чансрикам "Түшүнгөнүбүзгө караганда пилдер суунун аркы өйүзүнө өтүүгө аракет кылышкан. Балдарынын бирөө сууга түшүп кеткен окшойт. Калгандары аны куткаруу үчүн сууга түшкөн",-деди.

Пилдер кайгырышат

Адистер пилдер үйүрү менен жүргөндүктөн жалгыз калуу булар үчүн оор экенин айтып келет. Андыктан жаныбарлар стресстен да өлүшү мүмкүн экенин болжолдошууда.

Khao Yai паркында 300 пил жашайт

Парктын кызматкерлери аймактагы сууларга бактерия аралашпасын деген негизде өлгөн пилдердин калдыктарын тазалоого киришти. “Bangkok Post” гезити жаныбарлар үчүн чоң жоготуу экенин жазды.

1992-жылы ушул эле шаркыратмадан 8 пил өлгөн.

Таиландда 7 миңдей Азия пилдери жашайт.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!