Өкүлдөр палатасындагы 630 депутат 400гө, Сенаттагы 315 сенатор 200гө түшүрүлөт. Италияда парламентарийлердин үчтөн бирин азайтуу боюнча мыйзам парламентте кабыл алынды.

Мыйзамга ылайык Өкүлдөр палатасындагы 630 депутат 400, Сенаттагы 315 сенатор 200 болот.

Конституцияны өзгөртүү боюнча мыйзам парламенттин эки палатасында эки ирет добушка коюлушу керек.

Февраль, май, июль айларында болгон добуш берүүлөрдөн кийин акыркы чечим Өкүлдөр палатасында кабыл алынды.

630 орундуу Өкүлдөр палатасынан бул мыйзамга 553 макул, 14 каршы, 2 калыс добуш берилген. Мыйзам кабыл алынышы үчүн аз дегенде 316 макул добушу зарыл болгон.

Жаңы мыйзамды 2023-жылга белгиленген шайлоодон кийин күчүнө киргизүү паландалууда.

"10 жылда 1 миллиард евро үнүмдөлөт"

Парламентарийлердин санын азайтуу өткөн айда түзүлгөн жаңы коалиция өкмөтү 5 Жылдыз кыймылы жана Демократиялык партия жана башка оппозициялык партиялардан колдоо тапты.

5 Жылдыз кыймылы парламентарийлердин саны азайса 10 жыл ичинде 1 миллиард евро үнөмдөлөөрүн белгилеген.

Италияда учурда 64 миң жаранга бир депутат туура келсе, жаңы мыйзамга ылайык 101 миң кишиге бир парламенттарий туура келет.