Бириккен улуттар уюму (БУУ) тарабынан даярдалган "Глобалдык гуманитардык жардам 2020" темасында билдирүү жарыяланды. Анда келерки жылда дүйнө жүзүндө жардамга муктаждардын санында рекорддук деңгээлде өсүү болору жазылган. Жаңжалдар жана климаттын өзгөрүүсүнүн терс таасирлеринен улам 2020-жылы 168 миллионго жакын киши тез гуманитардык жардамга муктаж болору белгиленген.
“2020 кыйын болот”
БУУ бул муктаждыктар же азык-түлүк, дары жана жашоочу жайлар үчүн дүйнө коомчулугунан 26 миллиард евро талап кылууда. Уюмдун Гуманитардык иштер боюнча баш катчынын орун басары Марк Ловкук "2020-жыл миллиондогон адамдар үчүн оор болот. Бул ачуу чындык”,-деди.
"Глобалдык Гуманитардык жардам 2020" билдирүүсүнө ылайык дүйнөдө жардамга муктаж өлкөлөрдүн башында Йемен жана Сирия турат. Экономикалык жана саясий кризиске кабылган Венесуэланы да БУУ колдоого муктаждардын арасына киргизди.