Министрлик, ведомстволордун чыгашалары кыскарат

Министрлик, ведомстволордун чыгашалары кыскарат
26-Сен. 2018, Шаршемби, 17:32

2019-жылы мамлекеттик бюджеттен 8 жаңы долбоор каржыланат. Учурда алар координациялык кеңештин кароосунда турат. Бул тууралуу өкмөттүн отурумунда Каржы министри Адылбек Касымалиев билдирди.

Келээрки жылы министрликтер менен ведомстволордун бюджеттик чыгашаларын 14 млрд. сомго кыскартуу пландалууда. Бул маселе боюнча министрликтер менен макулдашуулар жүрүп жатат. Анткени бюджеттин көпчүлүк бөлүгү айрым министрликтерде пайдаланылбай калууда. Негизинен каржылоо энергетика, транспорт, социалдык өнүктүрүү, саламаттыкты сактоо, билим берүү жана суу менен камсыз кылуу тармактарында кыскартылат, -дейт Касымалиев.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!