​2019-жылы ИДӨ 4 пайызга өсөт

​2019-жылы ИДӨ 4 пайызга өсөт
27-Сен. 2018, Бейшемби, 15:53

2019-жылы Кыргызстанда ички дүң өндүрүмдүн өсүшү (ИДӨ) 4,0 пайызды түзөт. Бул тууралуу Каржы министри Адылбек Касымалиев өкмөттүн жыйынында 2019-жылга республикалык бюджетинин долбоору жана 2020-2021-жылдарга болжолу боюнча баяндамасында билдирди.

Анын айтымында, келерки жылы ИДӨ номиналдык көрсөткүчтө 604 млрд. 707,4 млн. сомду түзөт. Ал эми 2020-жылы ИДӨнүн өсүшү 4,4 пайызга жетип же 667 млрд. 78,8 млн. сомго жетет. Ошондой эле 2021-жылы 4,2 пайызды 736 млрд. 239 млн. сомду камсыздайт.

"Республикалык бюджеттин киреше өлчөмү 2019-жылы 168 млрд. 308 млн. сомду, 2020-жылы 175 млрд. 881 млн. сомду жана 2021-жылы 182 млрд. сомду түзөт. Буга катар бюджетти пландаштырууну жакшыртуу, бюджеттик тартипти күчтөндүрүү үчүн республикалык бюджеттин пайдасына сатуудан салык чегерүүнүн ченемдерин 2019-жылы 50 пайызга, 2020-жылы 75 пайызга, 2021-жылы 100пайызга жогорулатуу сыяктуу сунуштар каралган", - дейт Касымалиев.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!