Бюджеттин тартыштыгы 9,8 млрд. сомду түзөбү?

Бюджеттин тартыштыгы 9,8 млрд. сомду түзөбү?
1-Окт. 2018, Дүйшөмбү, 11:59

Келээрки жылы республикалык бюджеттин тартыштыгы 9,8 млрд. сомду түзөрү болжолдонууда. Бул тууралуу Каржы министрлигинин маалымат кызматы билдирди.

Маалыматка караганда, 2019-жылы республикалык бюджеттин жалпы кирешеси 149,6 млрд. сом деп эсептелсе, жалпы чыгаша 159,4 млрд. сом болору болжолдонууда. Башкача айтканда бюджеттин тартыштыгы кийинки жылы ички дүң өндүрүмгө карата 1,6 пайызды түзүшү керек.

Эскерте кетсек, Кыргызстандын 2018-жылкы бюджетинин кирешеси 140,8 млрд. сомго жетет деп пландалган. Ал эми чыгаша 161,1 млрд. сом деп каралган. Натыйжада тартыштык 20,3 миллиард сомду түздү.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!