​АӨБ: ИДӨнүн өсүү темпи азайды

​АӨБ: ИДӨнүн өсүү темпи азайды
5-Окт. 2018, Жума, 11:47

Кыргыстандын ички дүң өндүрүмүнүн өсүү (ИДӨ) темпи төмөндөдү. Бул тууралуу Азия өнүктүрүү банкы билдирди.

Маалыматка караганда, Кыргызстанда кен казуунун көлөмү төмөндөгөнүнө байланыштуу өлкөнүн ИДӨнүн көрсөткүч 2,5 пайызды түзүүдө. Буга чейин өлкөнүн ички дүң өнүмү 3,5 пайызга өсөөрү болжолдонгон. Ал эми экономикалык өсүштүн темпи 4 пайыз деңгээлинде сакталган.

Ошол эле учурда Азия өнүктүрүү банкынын божомолунда 2018-жылы өлкөдөгү баалар 3,8 пайызга жогорулайт, ал эми келээрки жылы 4,5 пайызга өсөөрү күтүлүүдө.

Эскерте кетсек, 2018-жылдын январь айынан август айына чейин Кыргызстандын ички дүң өндүрүмүнүн көлөмү 310,2 млрд. сомдон ашкан.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!