Абдыгулов: “Росинбанк” адистештирилген банк болот

Абдыгулов: “Росинбанк” адистештирилген банк болот
19-Апр. 2019, Жума, 12:24

“Росинбанк” ачык акционердик коому адистештирилген банк болуп, капиталдаштыруу ишке ашырылгандан кийин калктын банк жана финансы кызматтарынан пайдалануу мүмкүнчүлүгүн кеңейтүүгө алып келет. Бул тууралуу Улуттук банктын төрагасы Толкунбек Абдыгулов ZAMAN.KG маалымат агенттигине билдирди.

Анын айтымында, Улуттук банк ушул жылдын 15-апрелинде “Росинбанкты” 3 млрд. сомго капиталдаштыруу чечимин кабыл алган. Капиталдаштыруу ишке ашырылгандан кийин Улуттук банктын үлүшү 95 пайызга чейинки көрсөткүчтү түзөт.

“Бүгүнкү күндө инфраструктура, курулуш, турак-жай, ипотека боюнча институттар жок. Мисалы, “Айыл банк” кредиттердин баарын айыл чарбасына тейлейт. Биз капиталдаштырууну ишке ашырып туруп, “Росинбанкты” адистештирилген банк кылып берип жатабыз”, – деди Абдыгулов.

Азыркы учурда “Росинбанк” аманаттарды кабыл алуу, эсептешүү-кассалык тейлөө, кредиттерди берүү, эмгек акы долбоолорун тейлөө сыяктуу кызматтарды көрсөтүп жатат.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!