​Инвестиция 18,9 млрд. сомго жетти

​Инвестиция 18,9 млрд. сомго жетти
3-Май 2019, Жума, 17:36

Улуттук статистика комитетинин билдиргенине караганда, үстүбүздөгү жылдын биринчи кварталында баардык каржылоону эсептегенде инвестициянын көлөмү 18,9 млрд. сомду түздү.

Бул көрсөткүч өткөн жылга салыштырмалуу 1 пайызга көбүрөөк. Ички булактар аркылуу жасалган инвестициянын көлөмү 7,1 пайызга кыскарып, ал эми тышкы булактан келген инвестициянын көлөмү 39,5 пайызга өскөн. 2019-жылдын алгачкы 3 айында жасалган инвестициянын негизги бөлүгү же 82 пайызы пайдалуу кендердин объектилерин курууга, калдыктарды кайра иштетүүгө, транспорттук ишмердикке, ошондой эле турак-жай курулушуна салынган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!