​Мигранттардын акча которуусу өстү

​Мигранттардын акча которуусу өстү
14-Май 2019, Шейшемби, 18:01

Үстүбүздөгү жылдын январь-март айларында Кыргызстанга мигранттардан 540,4 млн. доллар которулду. Бул тууралуу Улуттук банк билдирди.

Маалыматка караганда, 2019-жылдын биринчи кварталында өткөн жылга салыштырмалуу 34,6 млн. долларга көп каражат которулган. Ал эми март айында 195,8 млн. доллар которулган. Бир айда көрсөткүч 16,4 млн. долларга жогорулады.

Которулган акчанын 90 пайызы же 530,3 млн. доллар Россиядан келди.

Андан кийинки орунда АКШ 6,6 млн. доллар. Калган өлкөлөрдөн 3,3 млн. доллар келип түштү.

Ал эми биринчи кварталда Кыргызстандан 116,5 млн. доллар чыгарылды. Анын көпчүлүк бөлүгү Россия 115,6 млн. жөнөтүлгөн.

2019-жылдын биринчи үч айында өлкөдөн калган акча 423,9 млн. долларды түзөт.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР