2019-жылдын январь - июлунда ИДПнын анык өсүшү 6,9% түздү

2019-жылдын январь - июлунда ИДПнын анык өсүшү 6,9% түздү
27-Авг. 2019, Шейшемби, 16:51

Улуттук статистика комитетинин болжолдуу маалыматы боюнча, 2019-жылдын январь - июлунда ИДПнын анык өсүшү 6,9% түздү. Бул 2018-жылдын тийиштүү мезгилинен 7,0 пайыздык пунктка жогору, ал эми ИДПнын номиналдык көлөмү 284,4 млрд сом деңгээлинде түзүлдү. Бул тууралуу бүгүн, 27-августта Финансы министрлигинин басма сөз кызматынан кабарлашты.

Маалыматка ылайык, “Кумтөр” кенин иштеткен ишканаларды эсепке албаганда, экономиканын анык өсүшү 3,1 пайызды түздү (2018-жылдын январь - июль айларында 2,6 пайызга өскөн).

"2019-жылдын январь - июль айларындагы керектөө бааларынын индекси өткөн жылдын декабрына карата 0,3% түздү (2018-жылдын январь - июлунда 2017-жылдын декабрына карата (-0,8) пайызды түзгөн).

2019-жылдын январь - июль айларындагы керектөө бааларынын индекси 2018-жылдын январь - июлуна карата 0,1 пайызды түздү (2018-жылдын январь - июлунда 2017-жылдын январь - июлуна карата 2,1 пайызды түзгөн)",- деп айтылат маалыматта.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!