Журналист балдарынын көзүнчө планшетин сындырды

Журналист балдарынын көзүнчө планшетин сындырды
13-Сен. 2018, Бейшемби, 14:06

Учурда айрым ата-энелер балдарына техникалык каражаттардын зыяндуу экендигин түшүндүрүү жолу менен иш алып барса, ал эми айрым ата-энелер аларды тарбиялоодо агрессивдүү жолду тандап алууда. Алардын катарын британиялык белгилүү журналист Кирсти Олсопп толуктаган.

Тагыраак айтканда ал өз балдарын тарбиялоодо агрессивдүү жолду колдонгон. Ага мисал катары жакында эле балдарынын “iPad” техникалык каражатын алардын көзүнчө столго чаап сындырган.

Окуя тууралуу журналист өзү “Channel 5” каналында түз эфиринде коомчулукка жарыялаган. Эне баланын ортосундагы уруш жакында эле катталган. Мунун себеби Кирстинин балдары сааттар бою “Fortnite” аттуу оюнду ойноп планшетте отурган. Бул көрүнүшкө Кирсти өзүн кармана албай балдарынын планшетин столго чаап сындырган.

Кирсти өз сөзүндө: “Мен мындай кадамга балдарым мени укпаган акыркы чекке жеткенде бардым”,-деп жооп берген.

Ал ортодо интернет колдонуучуларынын бири: “Мен смартфондорду балдарынын колунан алып койгон ата-энелерди түшүнөм. Бирок алардын көзүнчө планшетти сындыруу туура эмес. Анткени ал өз баласынын буюму”,-деп билдирүү калтырган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!