Баланы окуу тартибине кантип көндүрүү керек?

Баланы окуу тартибине кантип көндүрүү керек?
21-Сен. 2018, Жума, 13:14

1.Балаңыз менен кечинде баарлашыңыз

Мисалы, балаңыздын күнү бою кандай окуяларды, эмоцияларды баштан өткөргөндүгү боюнча талкуу жүргүзсөңүз болот. Башкача айтканда сиз балаңызга алгачкы багыт, дем-күч берген адамысыз. Ошондуктан күнүгө кечиндеси балаңыз менен жылуу маек куруңуз. Анын күнү кандай өткөндүгү, башынан кандай окуялар, кандай адамдарга туш болуп, эмнеге кубанып, эмнеден кыжалат болуп жаткандыгын сурап туруңуз. Эгер ал капаланып калса, эртеси баары жашкы болорун эскертип турууну унутпаңыз.

2.Эртели-кеч баланы мактап туруу керек

Сиз балаңыздын жакшы окуп, алдыга өсүшү үчүн, ага айрым учурларда белек камдап, аны кубандырып туруңуз. Мисалы, эң мыкты деген таттууларддын түрлөрүн, калемдерди же альбомдорду камдап койсоңуз болот. Мына ошондо сиз балаңыздын окууга болгон ынтызарлыгын байкай аласыз.

3.“Бактылуу” эртең мененки тамактануу учуру

Бала окууга барардын алдына бир жума калганда, аны күнүгө эрте тургузууга үйрөтүңүз. Анткени, окуу башталары менен баланы кыйнап тургузуп ойготуу туура эмес. Муну менен бирге жок дегенде 20 мүнөт эрте тургузуп, ага түрдүү витаминдерге бай тамактарды даярдап коюңуз. Бул нерсе балаңыз үчүн күнү бою мыкты стимул болмокчу.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!