Баланы бакчага кантип даярдайбыз?

Баланы бакчага кантип даярдайбыз?
24-Сен. 2018, Дүйшөмбү, 10:23

Көпчүлүк эле ата-энелерге: “Баланы канча жаштан бакчага берүү туура?. Ал үчүн кантип даярдоо керек?”,- деген суроолор ойлондуруп, түйшөлтпөй койбосо керек.

Эң жакшы жаш 3,5-4 жаш экен, эмнеге?

А) Бул учурда бала психологиялык жактан энеден алыстоо мүмкүнчүлүгүнө даяр болот. Башкача айтканда баланын акыл-эси бираз токтолуп, ата-энем артыман келип мени алып кетет деген ойдо болот.

Б) Баланын өзү теңдүүлөр менен ойноого кызыгуусу артат.

Муну менен бирге бакчага көнүп кетүү аракети ар бир баланын мүнөзүнө жараша болот. Мисалы, кээбиркилери көпчүлүктү жактырып бат эле көнүп кетсе, айрым балдарга эки жылдык убакыт да аздык кылат экен.

Баланы бакчага берүүдө алдын ала кантип даярдоо керек?

А) Жок дегенде бир ай мурун балаңызга бакча тууралуу айтып, түшүндүрүү иштерин баштаңыз. Мисалы: "Бакчага келген балдар бат чоңоюп, өз алдынчылыка үйрөнөт”,- деген сөздөрдөн баштасаңыз болот. Бакчада балдар чогуу ойношот, укташат жана тамактанышкандыгын да түшүндүрүп айта кетиңиз.

Б) Балаңызды жетелеп алып бакчадагы балдардын эшикте ойноп, эс алып жүргөңдүгүн көрсөтүңүз.

В) Ошондой эле балдар бакчада болгондо ата-энелер иштеп, башка адамдарга жардам берип, үй-бүлөлүк кирешеге салым кошо тургандыгын да айта кетиңиз..

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!