Баланын тиши тез чыгыш үчүн

Баланын тиши тез чыгыш үчүн
24-Окт. 2018, Шаршемби, 10:15

Баланын алгачкы тиштери чыкканда тынчы кетет. Температурасы көтөрүлүп, жүрөгү айланып, тамакка деген табити тартпайт. Негизи организминдеги болуп жаткан бул өзгөрүүлөр, оорулар калыптуу жагдай болуп саналат. Жаш баланын тиши тезирээк чыгуусу үчүн элдик медицинанын көптөгөн түрү бар. Сиздерге анын ичиндеги эң белгилүүлөрүн сунуштайбыз:

- Тиш тез жана оңой жарып чыгышы үчүн тиштей турган жумшак нерсени муздаткычка салып муздатып берүү жана колду тазалап жууп, манжа менен кызыл ээкке массаж жасаңыз.

- Таза марлини муздак сууга малып, суусун сыгып берсе тиштин чыгышы жеңилдейт.

- Тиштин жарылып чыгышы жеңил болуш үчүн чай же болбосо аш кашыкты муздаткычка салып муздак бойдон тиштетүүгө берсе болот.

- Кызыл ээкке бал сүйкөп турган да пайдалуу.

- Кызыл ээктин ооруганын басуу үчүн муздак нанды же бананды тиштетиңиз.

- Күндүн көзүнө көбүрөөк жүргөн баланын тиштери жеңил жарып чыгат.

- Курамында «Д» витамини менен кальций көп тамактарды бериңиз.

- Ооз кушунан бөлүнгөн шилекейди таза сүлгү менен сүртүп, эмизүү керек.

- Кышта же болбосо жазында тиш жеңил жана тез чыгат.

- Тиш чыкканда балага суук тийгизип албаңыз. Наристе жөтөлүп ооруй турган болсо, тиштин чыгышы узакка созулат.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!