Баланын тынч уктоосуна арналган кеңештер

Баланын тынч уктоосуна арналган кеңештер
10-Апр. 2019, Шаршемби, 11:00

Ата-энелердин жаш балдар боюнча көп ойлондурган маселелердин бири-бул алардын уктоо тартиби. Айрым бөбөктөрдүн уктоо тартибинде маселе жок, ал эми алардын айрымдары ушундай маселеге кабылып келет.

Ымыркайлар төрөлгөндөгү алгачкы күнүндө абдан эле көп уктайт. Мисалга, бир айлык балдар 16-18 саат аралык. Бул уйку аларда чоңойгон сайын азаят. Беш жаштагы балдар он бир саат тегерегинде уктайт.

Жаңы төрөлгөн балдар көпчүлүк ойгонгон убактысын эмчек эмүү менен өткөрөт.

Жаш балдардын уйкусун бузуучу себептер

-Ичине жел туруп калганда

-Жетишээрлик сүт эмбегендиги жана баланын курсагы ач болгондо

-Анын айланасындагылар үнүн катуу чыгарып сүйлөсө жана бийик үндүү музыка коюп койгондо

-Инфекциялык оорулар ж.б.

Балаңыз тынч уктасын десеңиз...

Жаш балдардын тамактануу жана уйку тартиби бири-биринен ажырагыс нерсе. Ошондуктан балага туура тамактануу рационун киргизүү зарыл. Балаңыздын курсагы жакшы тойгон болсо, анда ал 2-3 саат жөн эле уктайт. Ал эми, балаңыз жетишээрлик сүт эмбесе дагы, анын уктоо тынчын алат. Курсагы ачып, бат ойгонуп алат.

-Балаңызды абдан жылуу кылып кийинтүүнүн кереги жок

-Балаңызды өзүнчө керебетке жаткырыңыз

-Анын керебети өтө катуу дагы эмес, өтө жумшак дагы болбошу шарт

-Балаңыз жаткан керебетте ашыкча оюнчуктардын кереги жок

-Комнатанын температурасы 20-25 градус болуусу шарт

-Балаңыз уктап жатканда жарыкты өчүрүп коюңуз

-Баланы уктатуудагы эң чоң ката, аны колго алып уктатуу болуп саналат. Ошондуктан, баланы кичинесинен өзүнчө керебетке коюп, уктоо режимине үйрөтүү керек.

Жогорку айтылгандарды белгилүү бир тартип эрежеге киргизип алсаңыз өзүңүзгө эле жакшы болот.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!